Aktori i njohur i humorit, Florjan Binaj, ka zgjedhur mënyrën më të bukur për t’i uruar festat ndjekësve të tij.
Në një postim në Instagram, ai ka ndarë portretin më të ëmbël familjar me bashkëshorten, Sadinën dhe dy vogëlushët e tyre, Glauk dhe Krena.
Familja ka pozuar pranë pemës së zbukuruar për festa, ndërsa Flori ka preferuar t’ia mbulojë portretin dy të vegjëlve të tij.
Krahas fotos që ka marrë shumë komplimente, aktori bën edhe urimin më të veçantë për këtë vit të ri.
“Gëzuar 2020 të gjithë shqiptarëve në rruzullin tokësor!Paqja qoftë mbi ne, jo urrejtja.Pasioni mbi inatin, dashuria mbi xhelozinë, vullneti mbi veset dhe shëndeti mbi sëmundjet!Të jemi të lidhur bashkë jo vetëm në tragjedi e ditë të zeza, por edhe në ditë të lumtura!Ta duam Shqipërinë sepse aty u rritëm dhe aty është e ardhmja jonë dhe e fëmijëve tanë!Të ndihmojmë më të varfrit dhe të mos lejojmë më që jetët tona të peshohen nga kandari i prishur dhe plot hile i qeverive që kanë 30 vjet që e sjellin rrotull këtë popull të lashtë e plot histori!!Duajeni njëri tjetrin sepse dashuria është e vetmja forcë në univers që i bën mirë të gjithëve dhe dëm askujt!Gëzuar!!!”- shkruan Flori krahas fotos.
