Ishte fund qershori kur moderatori i njohur shqiptar, Isli Islami shprehu dëshirën për të puthur një nga vajzat më simpatike të ekranit, Nevina Shtyllën.
I ftuar në emisionin “You & Me” Isli u përgjigj se donte të puthte moderatoren Nevina Shtylla, pasi i pëlqente shumë.
“Më pëlqen shumë, më duket një nga vajzat me portretin më të ëmbël dhe më kanë thënë se ashtu si në pamje është edhe në tip”, u shpreh moderatori i njohur.
Dhe sot me sa duket, Islit i është plotësuar dëshira pasi kishte të ftuar Nevinën në emisionin e mëngjesit, “Wake Up”.
Live në sy të të gjithëve, Isli mori një puthje miqësore nga Nevina dhe nuk ngurroi të publikonte dhe një foto me të në Instagram, ku shkruante: “Ehhh…”
Nevina Shtylla tashmë është pjesë e “Top Channel”, dhe moderon “Procesin Sportiv” krah Edi Manushit.
