Këngëtarja Era Istrefi tashmë e ka marrë nënshtetësinë shqiptare dhe për rrjedhojë edhe pasaportën.
Ajo ka publikuar një fotografi në Snapchat ku në dorë mban pasaportën shqiptare, duke lënë të nënkuptohet se Era është gati të udhëtojë. E padyshim që kjo gjë do t’i shërbejë asaj për mirë!
Përpos saj, me nënshtetësi shqiptare janë pajisur edhe menaxheri Faton Shoshi, njëkohësisht i dashuri i Erës.
Këngëtarja që ka pushtuar klasifikimet evropiane dhe botërore me hitet e saj, shprehet se viti 2017 do të jetë shumë i ngarkuar me evente të ndryshme muzikore. Së shpejti diva e muzikës mbarëshqiptare do të dalë me produksionin e saj më të ri, shoqëruar edhe me një videoklip.
“Punët e mia për vitin 2017 janë me një turne anembanë botës dhe do të kem mundësi të shkel dhe në ato vende ku duhet viza “Shengen” dhe unë tani do të përfaqësoj të gjithë shqiptarët”, thotë këngëtarja.
