Prej disa kohësh, reperi Capital T ka punuar fort për albumin e titulluar “Skulpturë”, i cili do të jetë një projekt i gdhendur me përkujdes e dashuri nga reperi.
Pandemia Covid-19 e shtyu lançimin e tij, mirëpo lajme të mira kemi së fundmi nga reperi.
“Skulpturë” është thuajse gati dhe Kapo na ka treguar intron e këngës së tij të parë të albumit.
Në një video ai ku shfaqet me gotë në dorë duke kërcyer pranë detit, dëgjohet në sfond kënga e titulluar “Tu festu”.
Në fakt, kjo këngë ka një domethënie për Capital T, i cili ka kuptuar nga viti 2020 se duhet ta festojë çdo ditë si të ishte e fundit.
“Viti 2020 ma shume se cdo tjeter na ka msu se cka dhe kush ka me shume rendsi ne kete bote. Jepi kuptim seciles dite, dhe jetoje cdo dite si te ishte e fundit. E ne diten tem te fundit kisha dasht mu kon TU FESTU qeshtu qysh e ka emrin edhe INTRO ose kanga e pare e albumit SKULPTURE ?? Gëzuar dhe shijoni jetën”- shkruan reperi krahas postimit.
https://www.instagram.com/p/CBN495WHLb-/
Kapo po sjell gjithashtu një bashkëpunim me reperin Ledri Vula, ndërsa “iconstyle.al” ka zbuluar pamje nga xhirimet e këngës së tyre të re, e cila me siguri duhet të jetë gjithashtu pjesë e albumit “Skulpturë”.
