Ditëlindjet e para të bebushave festohen çdo muaj, ndaj Klea Huta nuk kishte sesi të harronte 2-mujorin e vogëlushit të saj Krid!
Sot djali i saj bën 2 muaj që ka ardhur në jetë, dhe moderatorja ka publikuar një foto të ëmbël për të na treguar sesi po e feston këtë ditë të veçantë.
Në foton bardhezi ne shohim Klean në shtrat që bën selfie, ndërsa Kridi fle pas saj si një engjëll.
“Dy muajsh sot. Dy muaj me dashuri të pakushtëzuar dhe kënaqësi të përjetshme. Ti je gjithçkaja ime bebushi Krid”, shkruan Klea.
Pavarësisht se ka qenë e angazhuar me rritjen e Krid, Klea po rikthehet më fuqishëm se asnjëherë më parë.
Moderatorja ka rezervuar suprizën më të bukur të kësaj vere, duke na sjellë një projekt që s’e prisnim aspak!
Pak ditë më parë, në një postim në InstaStory, Klea ka ndarë një fragment nga kënga e saj e re, duke na bërë të gjithëve kuriozë.
Duket se projekti i ri do të jetë një këngë e lehtë, madje do të vijë në bashkëpunim! Të jetë bashkë me Elgitin?
