Shawn Mendes festoi 23-vjetorin e lindjes gjatë fundjavës me pak ndihmë nga partnerja e tij, Camila Cabello dhe miqtë e tyre. Gjithashtu ai mori një urim shumë të ëmbël nga Camila, e cila postoi një foto të saj duke e puthur Shawn në faqe.
“Gëzuar ditëlindjen dashuria ime. Falenderuese për ekzistencën tënde çdo ditë”, shkroi ajo në dedikimin e saj.
Ndërsa Mendes publikoi një video të tij nga festa, që u mbajt në një vend në New York City.
“Pak dashuri e vërtetë ditëlindjeje!!! Faleminderit shumë. Ndjehem shumë mirënjohës për gjithë njerëzit në jetën time sot! Gjithashtu Summer of love publikohet javën e ardhshme”, shkroi ai, duke njoftuar edhe lançimin e këngës më të re.
Para disa javësh, Shawn dhe Camila festuan edhe 2-vjetorin e lidhjes së tyre. Për të festuar këtë përvjetor kaq të rëndësishëm ata të dy u arratisën në Karaibe, ku Mendes postoi një foto duke shkëmbyer një puthje në buzë me partneren e tij.
“Gëzuar 2-vjetorin zemra ime”, shkoi ai përkrah fotos.
Cabello gjithashtu publikoi disa foto nga udhëtimi, në të cilat ata nxjerrin në pah anën e tyre më qesharake si çift.
“Gëzuar përvjetorin Kuko. Paçim shumë lumturi, më shumë miqësi dhe më shumë dashuri”, shkroi Cabello në urimin e saj.
Çifti nisën marrëdhënien e tyre në 4 korrik të 2019-s, një muaj pasi publikuan bashkëpunimin e tyre të dytë, “Senorita”, të nominuar për çmimet “Grammy”.
