Meghan Markle dhe Princi Harry kanë kërkuar zyrtarisht që miqtë dhe dashamirësit e tyre t’i dhurojnë për bamirësi dhuratat që kanë ndër mend t’u dërgojnë atyre për dasmën.
Por Mbretëresha sigurisht nuk hyn tek këto persona dhe nuk ka rregulla të tilla për të, kështu që gjyshja e Harry-it i dha çiftit një dhuratë shumë të bukur dhe madhështore, një shtëpi gjigande.
Mbretëresha Elizabeth raportohet se u ka dhuruar të sapomartuarve shtëpinë York Cottage, një nga rezidencat e saj në Sandringham.
Sipas Harper’s Bazaar kjo pronë është rreth 8,000 hektarë, duke përfshirë një park publik prej 240 hektarësh dhe një kopsht 24 hektarësh, i cili është i lidhur me shtëpinë kryesore.
Përfaqësuesi mbretëror Duncan Larcombei tha për “Cosmopolitan” se Mbretëresha e Mbretërisë së Bashkuar ka për zakon t’i japë prona familjarëve. Ajo i dhuroi Sunninghill Park Princit Andrew, Birkhall Princit Çarls dhe Anmer Hall u’a dhuroi Princit William dhe Kate Middleton.
Kjo vilë deri tani është përdorur si strehim për mysafirët që vizitojnë Sandringham, për pushime dhe për stafin punonjës.
