Ndoshta emrin Neal Farinah e keni dëgjuar pak ose aspak, pasi ai nuk vuan për famë dhe reputacion. Vetëm sa përmend faktin se ai është parukjeri personal i Beyonces, të gjithë janë sy e veshë për të rrëmbyer ndonjë sekret nga ai.
Neal punonte 9me5 në një sallon bukurie në Brooklyn në vitin 2005, kur një kliente i kërkon nëse mund t’i stilojë flokët një mikeshe të saj, e cila nuk ka mundësi të vij në sallon. Dhe kjo mikeshë, ishte mbretëresha e muzikës, Beyonce, me të cilën po bashkëpunon prej 13 vitesh.
Gjatë një intervite për revistën “Elle”, Neal tregon se stilimi i flokëve gjatë turit “On the Run II” është një zgjedhje për t’i shpëtuar temperaturave të larta dhe se Beyonce të jetë sa më komode gjatë performancave. Këtë zgjedhje të Beyonces, Luana Vjollca e komentoi plot humor, se Bey ishte frymëzuar prej look-ut së saj në këngën “Mi dhe flakë mallit tim”.
“Sigurisht, që një vajzë nuk mund të kërcejë me një tufë flokësh në fytyrë. Ndaj kam vendosur të kap lart vetëm gjysmën e flokëve, që të vihet në pah edhe fytyra e kësaj gruaje të mrekulleshme.” – tregon ai.
Nëse je një fans i Beyonces, atëherë e ke vënë re me siguri që flokët e saj kanë ndryshuar që pas publikimit të albumit “Lemonade”.
“Flokët kaçurrela e përfaqësojnë më së miri Beyoncen. Ajo është një grua me ngjyrë me flokët kaçurrela. Është e plotfuqishme. E identifikon karakterin e saj.” – rrëfen Neal.
Së fundmi, ai ka një këshillë për të gjitha vajzat: të jenë besnike ndaj modelit që prezanton më së miri karakterin e tyre, por të mos harrojnë kurrë së eksperimentuari gjëra të reja.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
