Tuna pas sjelljes në jetë të djalit i është përkushtuar rritjes së tij, duke lënë pas karrierën e saj artistike. Gjatë kësaj periudhe këngëtarja e njohur ka preferuar të bëjë një jetë më të tërhequr, larg vëmendjes mediatike.
Së fundmi teksa ka vendosur t’i rikthehet muzikës, Tuna na ka surprizuar të gjithëve teksa pas kaq shumë kohësh ka publikuar për herë të parë dy foto në “Snapchat” ku shfaqet së bashku me Patrisin.
Prej kohësh dyshja e njohur u përfolën për një krisje të marrëdhënies së tyre, por fatmirësisht këto kanë qenë vetëm thashetheme dhe ata janë më të dashuruar se kurrë më parë.
Tuna dhe Patrisi së bashku me djalin e tyre Tian-in po jetojnë një nga periudhat më të lumtura të jetës së tyre.
