Surprizat nga qielli me parashutë apo dron tashmë janë bërë traditë e “Big Brother VIP”, pavarësisht se u tha se do ndaloheshin, këto surpriza kanë rifilluar përsëri.
Kësaj here ishte koha e Monikës.
Pak ditë më parë, Donaldi i punoi një rreng Monikës, kur e zgjoi nga gjumi për t’i thënë se dikush ka ardhur për t’i dhënë një dedikim, por artistja u zhgënjye kur doli jashtë dhe pa se nuk kishte asgjë.
Ndërsa sot, vetë Monika dalloi parashutën me shprehjen e bukur dedikuar asaj, që kishte edhe flamurin e Kosovës. Aty Monikës i jepej kurajo dhe forca.
Banorët nisën diskutimet se nga kush mund të jetë mësazhi.
“E ka bërë Sabiani”, tha Arjola.
“E ka bërë PM”, tha Sarah, meqë parashuta kishte flamurin e Kosovës.
“E ka bërë PM ose fansat e mi kosovar”, tha Monika e emocionuar.
“Unë mendoj se e ka bërë piloti”, shtoi Einxhel.
Aktorja e cilësoi si një surprizë shumë të bukur që do ta mbajë mend gjatë.
Donaldi tha me shaka se parashuta po lëvizte shumë pranë tokës dhe drejtuesi i saj po e bënte qëllimisht.
Donaldi: E pe çfarë ngjyre i kishte sytë”
Monika: U emocionova
Donaldi: A do të shkoje në një fluturim me të? Ku doje të të çonte
Monika: Ku të donte ai, në çdo cep të hapësirës. Në ajër, atje ku është liria…
