Rrjeti social më i përdorur i momentit “Instagram” ka bërë me dije se do të aktivizojë disa ndryshime të reja.
Është njoftuar se po rikthen feed-in sipas rendit kronologjik të publikimit të postimeve.
Sipas GSM Arena, versioni i ri i aplikacionit ka dy feed-e opsionale, të cilat mund t’i aktivizojmë duke klikuar në logon e Instagramit në krye.
E para quhet “Folloëing”, dhe ky është furnizimi kronologjik i çdo postimi nga çdo llogari që ndiqni, ndërsa tjetri quhet “Favourites”.
Me ‘uptate’-in e ri të rrjetit social mund të shtoni deri në 50 llogari si të preferuarat tuaja, dhe kur zgjidhni feed-en, do të shihni vetëm postimet e tyre – gjithashtu të renditura në mënyrë kronologjike.
Për më tepër, postimet nga llogaritë në të preferuarat tuaja do të shfaqen më lart në furnizimin kryesor. Mund të bëni ndryshime në listën e të preferuarave në çdo kohë, pasi njerëzit nuk njoftohen kur i shtoni ose hiqni ato.
Megjithatë, asnjë nga këto burime të reja nuk mund të vendoset si parazgjedhje, të paktën tani për tani. Pra, sa herë që hyni në Instagram, do të shihni ende feed-in e paracaktuar të bazuar në algoritmin dhe nëse dëshironi të klikoni “Folloëing” ose “Favourites”, do t’ju duhet ta zgjidhni atë manualisht.
