Kourtney Kardashian dhe Travis Barker janë kokë e këmbë të dashuruar dhe këtë e di gjithë bota! Madje, ata e “vërtetuan” edhe një herë dashurinë e tyre në eventin e famshëm “Met Gala”, ku nuk i ndalnin dot puthjet me njëri-tjetrin në tapetin e kuq.
Ata duhen dhe kjo punë ka marrë fund, por ç’mendon ish-i i Kourtney-t dhe njëkohësisht babai i fëmijëve të saj, për fejesën me Travis Barker?
Scott Disick ka preferuar të qëndrojë sa më gjatë në heshtje dhe ka refuzuar të përgjigjet në intervista për çiftin e ri. Mirëpo, një deklaratë e re na vjen së fundmi, pas kaq shumë kohësh.
Disick pranon se Kourtney “është shumë për t’u përballuar”, ndërsa komplimenton Travis për durimin, vullnetin e dëshirën për t’i plotësuar Kourtney-t gjithçka.
“Fundja, mendoj se është diçka e mirë. Nuk mund ta bëja mirë punën e të qenit me të, ndaj e përgëzoj Travis. Ai është i gatshëm për “shumë punë”. Kourtney nuk është më e thjeshta në gjithçka.”- është shprehur ai.
Lidhja e Kourtney Kardashian dhe Scott Disick mori fund në vitin 2015-të pas një lidhjeje prej afro një dekade.
“A mendon se lidhja juaj do të kishte përfunduar ndryshe nëse nuk do të kishte zbuluar shumë prej saj?”, pyeti më herët Cohen vajzën e familjes Kardashian.
“Me siguri, por mendoj se abuzimi me substancat ishte pika ku u prish gjithë marrëveshja”, u shpreh Kourtney, referuar problemeve të ish-it me alkoolin.
