Me gjithë përpjekjet për të zbuluar më shumë për partnerin, me të cilin Zaimina Vasjari ka disa vite e lidhur, këngëtarja është kujdesur shumë që këtë gjë ta mbajë jashtë vëmendjes mediatike.
Përveç ndonjë fotoje ngacmuese aty-këtu, identiteti i Klodit ka qenë gjithmonë i fshehur dhe Zaimina nuk e ka prezantuar asnjëherë as në rrjetet sociale.
INTv ka siguruar këto foto të çiftit ku shihen gjatë ditëlindjes së këngëtares pak ditë më parë.
Miku i ngushtë i Zaiminës, balerini i njohur Graciano Tagani është ai që duket se e ka “tradhtuar” këngëtaren duke postuar disa video në “Instastory”.
Graciano uronte Zaiminën, por padashur zbuloi edhe partnerin e saj që Zai nuk ka dashur ta bëjë publik. Siç shihet nga këto foto, Zaimina dhe Klodiani qëndrojnë në krye të tavolinës duke mirëpritur urimet e të gjithë miqve.
