Pas përfundimit të emisionit “Soiree”, gazetarja e njohur Jonida Shehu ka marrë bashkëshortin dhe vajzën dhe janë nisur familjarisht për pushime, për t’u relaksuar këto ditë të nxehta korriku. Moderatorja ndodhet në një vend bregdetar, nga ku ka pozuar për herë të parë me rroba banjo.
Jonida shfaqet e ulur në shezlong, e veshur me rroba banjo ngjyrë të kuqe dhe një kapele mbi kokë dhe duhet të pranojmë se duket shumë në formë.
“E kuqe dhe blu, ngjyrat e jetës time.”- shkruan Jonida krahas postimit të saj.
Muajin që kaloi, moderatorja festoi 35-vjetorin e lindjes së saj dhe mori live në emision surprizën që ja mbushi sytë me lot. Teksa nisi transmetimin dhe përshëndeti publikun, u dëgjua kënga e ditëlindjes dhe i erdhi në studio një buqetë me trëndafila të kuq, pusulla e të cilës shkruante “Mami, edhe 100 vjeç… dhe lekët që më ndihmoi babi.”
