Prej disa kohësh, balerini shqiptar Kledi Kadiu, është bërë baba i një vajze.
Në një lidhje telefonike në emisionin e mëngjesit, ‘Wake Up’ në “Top Channel”, Kledi ka treguar sesi ka ndryshuar jeta e tij me lindjen e vajzës dhe shtimin e angazhimeve profesionale.
“Jeta ka ndryshuar 100%, jam shumë i sinqertë për këtë ndryshim në jetë. Më parë e jetoja jetën siç doja unë, ndërsa sot ka ndryshuar. Zgjimi në 6: 30, çojmë vajzën në kopsht, shkoj në shkollë, bëj stërvitje, jam i zënë me mësimet në shkollat e baletit. Kam pasur një projekt me Maria De Filippi, jam rikthyer sërish. Është një emision që më ka dhënë dhe vazhdon të më jap shumë kënaqësi, kontakte me njerëzit, fakti që kthehem më vjen shumë mirë”, tregoi Kledi.
Por gjithë rrëfimin e balerinit e ndërpreu vajza e tij e vogël e cila do të largohej për në kopsht dhe nuk mund të ikte pa i marrë babit puthjen e mëngjesit.
Gazetarët në studio por edhe gjithë shqiptarët morën një përshëndetje edhe nga bashkëshortja e tij, Charlotte Lazari, e cila gjithashtu është balerinë.
