Mbrëmjen e sotme, në “PRIME” të “Big Brother VIP Albania” u diskutua marrëdhënia e dy banorëve që kanë patur miqësi dhe relata nga jashtë, mirëpo kjo miqësi duket sikur është zbehur dhe ata janë distancuar mjaft nga njeri-tjetri.
Bëhet fjalë për Arjolen dhe Meridianin, të cilët gjatë javës kanë patur diskutime. Dyshja kanë debatuar dhe kanë rrëfyer për marrëdhënien që ata kanë.
E pyetur ne emisionin e sotëm, Arjola tha se shoqëria e saj me Meridianin është e konsoliduar jashtë. Ajo u shpreh se e ka ndjerë Meridianin distant dhe ka vendosur ta lerë të luajë lojën e tij.
“Shoqëria ime me Meridianin është shoqëri e konsoliduar jashtë. E kam pritur mjaft mirë ardhjen e tij dhe i kam thënë ‘hajde ulu’. Kam tentuar të ulem e të flas por ai është çuar e larguar dhe nuk ja kam marrë për keq. Kam pas fatin të bëj shumë miq nga jashtë dhe nuk i kam kërkuar llogari nëse më mbrojnë apo jo, nëse më mbajnë krahun apo jo.
Unë e di peshën time dhe jam e vetëdijshme çfarë peshe kanë ata tek unë. E kam ndjerë Meridianin distant dhe mendova që kjo është loja e tij.”
Nga ana tjetër, Meridiani është përgjigjur duke shprehur hatërmbetjet e shpejta nga mikja e tij e vjetër.
“Ne kemi qenë shumë të afërt dhe ajo nuk më shpëtoi kur ne kemi patur dreka, darka familjare dhe nuk doja të ndikoja tek loja Arjolës.
Deri diku kam qenë i prekur, por në momentin që cënohet kuadrati im, secilit do t’i tregoj atë që meriton.
Mua m’u cënua kuadrati kur Arjola më tha ‘bën si kalama’
Më mungon Arjola që kam njohur nga jashtë: ka batuta pafund, ka logjikë, nuk bërtet kurrë.”
