“Më mori malli Flor”! Ermal Mamaqi, fjalë zemre për mikun e ndjerë

Moderatori Ermal Mamaqi ka kujtuar sot mikun e tij të ndjerë, Dr. Florin i cili është ndarë nga jeta. Nëpërmjet një statusi në Instagram, Ermali shprehet se e ka marrë malli për mikun e tij dhe për gjithë kohën që kalonin bashkë. Ai flet edhe për planet që dikur kishin thurur të dy për familjen e fëmijët, por që nuk u realizuan dot, pas ndarjes nga jeta në mënyrë të papritur të këngëtarit.

Ermali flet edhe për familjen e Florit, për nipin që mban emrin e tij, për vajzën Kaltrinën që po jep shkëndijat e para që mund të ecë në hapat e të atit dhe për djalin, Daniel që po bëhet çdo ditë e më i zgjuar.

Lexo edhe :

Me vlerë 180 milionë dollarë! Vajza më e vogël e Bill Gates po trondit botën e teknologjisë me një startup AI

19:47 13/12/25

Bes Kallaku “thumbon” Xhensila Myrtezajn: E shkuara ime ka vdekur, Zoti më bekoi me dy fëmijë

19:27 13/12/25

Më mori malli Flor… Shumë pak e dinë sa humor kishe ti. Sa qeshnim. Kushedi sa muzikë do kishim bërë këto vite që mungon. Më ka marr malli për porositë që bëje në lokal, kur ngatërroje banjon me kuzhinën. Kur merrje lypësit në makinë dhe i blije për të ngrënë. Kur qaje me këngët e Kishës. Kur e ndiqje Pastorin më shumë se çdo pjesëtar tjetër i Kishës. Më ka marr malli për telefonatat e tua në 3 të natës dhe që pasi unë të pyesja çfarë ka ndodh që merr kaq vonë, ti ma ktheje me pyetje tjeter: – Pse sa është ora? Më ka marr malli për videot idiote që bënim me Egin. Për koncertet, festivalet, studiot dhe kafet pa mbarim. Sa plane mbetën përgjysmë. Sa këngë që nuk kam gjetur forcën t’i përfundoj. Shtëpia me dru që do bënim në Dajt për fëmijët tanë. Tashmë ti ke një nip që të ngjan më shumë ty se Albanit. I kanë vënë emrin tënd. Kaltrina po jep shkëndijat e para që mund të eci në hapat e tua. Ndërsa Danieli bëhet çdo ditë e më i zgjuar. Dhe Blerina që vazhdon jeton me prindërit e tu, si të ishin të vetët, si atëherë… Ma do mëndja se po këndon atje lart. Ndoshta je ulur në prehërin e Zotit dhe po këndon. Kushedi sa bukur do jetë… Më mori malli Flor…

A post shared by Ermal Mamaqi (@ermalmamaqiofficial) on Feb 28, 2017 at 6:00am PST