Një student shqiptar që punon si model në New York ka kërkuar ndihmë publikisht për fonde, në mënyrë që të mund të bëjë një ndërhyrje në fytyrën që i është paralizuar.
Ai tregon përmes një postimi në Instagram, se buzëqeshja iu largua brenda natës për shkak të një gjendjeje që quhet paraliza e Bell-it, që ndodh për shkak të dëmtimit ose inflamacionit të nervit, i cili kontrollon funksionet e muskujve të fytyrës.
https://www.instagram.com/p/CDuyeythre5/
Mirlindi u transferua në New York për të ndjekur ëndrrën e tij si model, dhe i kishin dhënë se buzëqeshja e tij ishte pika më e fortë, por tani paraliza i ka shkatërruar jetën dhe karrierën.
“Unë u transferova në New York në 2015 për të ndjekur ëndrrat e mia si aktor dhe model. Unë punoja në restorante dhe gjithashtu firmosa një kontratë me një agjenci modelimi, ku më thanë në atë kohë se buzëqeshja ime ishte një nga pasuritë e mia më të forta. Shpesh njerëzit nuk e pranojnë se ka diçka “të gabuar” me fytyrën time, por është jashtëzakonisht zhgënjyese që nuk mund të buzëqesh plotësisht, dhe shprehjet e mia të fytyrës jo gjithmonë përputhen me emocionet e mia. Unë jam një djalë i lumtur, i ndjeshëm dhe kjo paralizë e papritur ka qenë absolutisht shkatërruese për mua personalisht dhe gjithashtu për karrierën time”, shprehet ai.
https://www.instagram.com/p/B5qauMLBT2L/
Me anë të një postimi në rrjete sociale, Morina njoftoi se për t’iu nënshtruar operimit i nevojiten 65.000 dollarë. Ai thotë se ka vizituar mjekë të ndryshëm dhe ka marrë terapi e trajtime të ndryshme, por doktori Babak Azizzadeh i ka thënë se është një mundësi operimi, koston e të cilës nuk mund ta përballojë i vetëm.
“Gjatë dy viteve, kur pashë shumë mjekë të ndryshëm për trajtim dhe terapi fizike, unë rifitova një pjesë të lëvizjeve. Duke u përballur me realitetin zhgënjyes për të mos pasur shërim në sy për veten time dhe karrierën time, vendosa të eksploroj opsionet kirurgjikale. Kam kontaktuar doktor Babak Azizzadeh, një ekspert në procedurat komplekse të rindërtimit të nervit të fytyrës për të zbuluar nëse ka mundësi trajtimi për gjendjen time. Lajmi i mirë është se ka një operacion, por lajmi i keq është se kostoja e operacionit është 65,000 dollarë dhe unë absolutisht nuk mund ta përballoj atë. Fatkeqësisht, sigurimi nuk do të paguajë për operacionin. Unë kam paguar për gjithçka jashtë xhepit deri në këtë pikë dhe do të doja të isha në gjendje të mbuloja vetë koston e operacionit, megjithatë, thjesht nuk mundem”, janë fjalët e morinës.
Çdokush ka mundësi të ndihmojë të riun shqiptar në “GoFoundMe”!
