Është e vërtetë!
Shumë çifte do t’i anashkalonin dhuratat tradicionale për një version më ekstrem—si p.sh. të paguajnë një kirurg për të rikrijuar himenin (cipa që ndodhet në hapjen e jashtme të mitrës), apo të vendosnin një himen artificial, për t’ju dhuruar partnereve edhe një herë “përvojën e të qenurit e virgjër”.
Por larg nga të qenurit një gjest romantik, komercializimi i rikrijimit të himenit është një shembull shqetësues që përmbush interesat e bizneseve, por edhe të njerëzve që besojnë tek idetë e vjetra.
Obsesioni i shoqërisë me këtë pjesë të vogël që ndodhet brenda trupit të vajzave, e cila nuk ka asnjë funksion të njohur biologjik, rrjedh nga pretendimet e përhapura dhe të rreme për aftësinë e saj për të zbuluar nëse dikush është i virgjër.
Virgjëria në vetvete nuk ka asnjë kuptim të vërtetë mjekësor apo shkencor; është thjesht një pasqyrim i vlerës më të lartë që i vihet seksit ose përvojave të tjera seksuale.
Megjithatë, ideja e himenit është kaq bindëse, saqë është shfaqur një treg i tërë për ta monitoruar, riparuar dhe riprodhuar atë.
Mjekët janë kritikuar për ofrimin e një operacioni që mund t’ju lejojë “rikthimin e virgjërisë tek vajzat” mes shqetësimeve që vajzat e reja muslimane po vihen nën presion nga familjet që të kryejnë këtë operacion përpara se të martohen, pasi siç e dimë seksi jashtëmartesor është i ndaluar në Kuran.
Kirurgjia e rikrijimit të himenit që kushton deri në 3000 £ po reklamohet nga 22 klinika private, kryesisht në Harley Street.
Sipas “The Sunday Times”, në Google kritikët pretendojnë se operacioni po përfiton nga frika e disa familjeve të Lindjes së Mesme dhe aziatike, të cilat janë nën presionin për të qenë “të paprekur” kur ata martohen.
Ndonëse operacioni i riparimit të himenit është i ligjshëm, udhëzimi nga Këshilli i Përgjithshëm Mjekësor thotë se kirurgët duhet të marrin “pëlqimin e personit”, i cili nuk duhet të konceptuar si i mirëqenë “nëse jepet nën presion të ushtruar nga një person tjetër”.
Shoqata Britanike e Kirurgëve Plastikë tha se nuk i pranon reklamat e papërgjegjshme dhe u bëri thirrje pacientëve të marrin në konsideratë rreziqet e mundshme të operacionit.
