Deklarata e Melisës mbrëmjen e djeshme në “Për’puthen Prime”, ku konkurrentja kërkoi në studio largimin e saj nga emisioni, solli reagimin e një prej ish-pjesëmarrësve, Erjon Geca.
Melisa tregoi se kishte një ngarkesë emocionale për shkak të sulmeve të shumta të konkurrentëve me njëri-tjetrin, ndaj kishte disa javë që kërkonte të largohej. Ajo u shpreh se nuk e shihte asnjërin prej meshkujve konkurrentë si partnerin e ardhshëm të jetës.
Përmes dy postimeve në Instagram Story, Geca shkruan:
“Domethënë paskan bërë efekt akuzat e njerëzve. Drejtësia dhe pastrimi po bëhet pavarësisht se jo me arsyen e vërtetë po hajde më, po i marr si të tilla. Por më mirë kështu sesa kur të plaste bomba. Presim dhe pastrimin e radhës, ka prapë e dini ju. Me lezet me lezet po pranohen skandalet dhe po kthehen si gjëra të bukura duke thënë uaaa sa bukur nëse na dalin të vërteta. Ehhh çdo gjë për klikime u bë dhe tani bëhet çdo gjë për të mos dalë të vërtetat që prishin imazhin e produksionit. Por prapë fallciteti dhe gënjestrta do vazhdojnë… se klikimet duhen”.
Melisa vendosi të largohej në një moment delikat, kur prej disa ditësh në media po qarkullon lajmi se ajo dhe Andi, janë prej disa kohësh në një lidhje së bashku. Ka qenë ish-konkurrentja e “Për’puthen”, Shqipe Hysenaj, ajo që tregoi së fundmi se çifti jo vetëm që është në një lidhje, por kanë nisur edhe bashkëjetesën.
E ftuar në “Top Albania Radio”, Shqipja pohoi se dyshja kanë nisur bashkëjetesën. Ajo është shprehur se Melisa zgjodhi Fationin në emision thjesht për “show”, sepse në realitet kishte ndjenja për Andin.
“Unë e di që Melisa ka ardhur për Andin, e zgjodhi Fatjonin për lojë, e zuri me gojë emrin tim për show…”, është shprehur Shqipja gjatë intervistës.
