Me maska dhe doreza, maturantët shqiptarë janë ulur sot sërish në bankat e shkollës për t’iu nënshtruar provimit të dytë të Maturës Shtetërore, Gjuhës Shqipe.
Provimi do të zhvillohet nën masa të rrepta sigurie për shkak të pandemisë së koronavirusit, ndërsa në klasë respektohet distancimi social.
Në një klasë do të qëndrojnë vetëm 10 persona duke respektuar distancën 10 metra, ndërsa në hyrje do t’u matet temperatura.
Në gjithë vendin janë 32 126 maturantë që do t’i nënshtrohen testit, që do të zhvillohet në 486 qendra provimi.
Ndërkohë në datën 15 qershor do të zhvillohet provimi i Matematikës dhe në 18 ai i lëndës me zgjedhje.
