Chiara Ferragni është një ndër emrat më të njohur të botës së modës dhe një ndër influencueset më të mëdha në Instagram.
Prej disa javësh, ajo kishte informuar ndjekësit se shumë shpejt do të sjellë një dokumentar mbi jetën e saj, ndërsa ditën e sotme ka treguar e lumtur se sapo është publikuar traileri i tij.
Chiara ka rrëfyer se është përlotur nga gëzimi dhe videon e trailerit e ka publikuar edhe në profilin e saj në Instagram.
“Ja ku është: Me lot gëzimi në sy, ju tregoj trailerin e filmit-dokumentar të jetës time. Shpresoj ta pëlqeni.”-shkruan blogerja krahas videos.
Disa fragmente të dokumentarit tregojnë Chiara-n në moshë të vogël dhe jetën e saj deri më sot, ndërsa blogerja tregon se qëllimi i saj nuk ishte të bëhej e famshme, por të bënte në jetë diçka që do të linte shenjë.
Kujtojmë se Chiara është e martuar me këngëtarin Fedez, me të cilin ka edhe një djalë.
