Pesë vite më parë, këngëtari i njohur i grupit “West Side family”, Dr.Flori, u nda nga jeta.
Humbja e tij la një dhimbje të thellë tek bashkëshortja, fëmijët dhe miqtë e tij.
Ata s’kanë reshtur së kujtuari këngëtarin, ndërsa një prej miqve të tij më të mirë, Landi Hysi, na ka prekur sot zemrat me dedikimin.
Ai ka publikuar një foto të vjetër të grupit të tyre “West Side Family” me Flaka Krelanin, ndërsa krahas saj shkruan:
“Në djall trofetë! Të gjitha! Më ktheni Dr.Florin!”
Fjalët e tij na i kanë mbushur sytë me lot dhe të shumta janë komentet ku ndjekësit tregojnë se kanë mall për këngëtarin, këngët e të cilit vazhdojnë të pëlqehen e të dëgjohen edhe sot.
“Mesazh”, “Tirona”, “E gjithë bota jemi 2”, “Krna lind për qejf” etj, do të mbeten gjithmonë ndër këngët e preferuara të shqiptarëve.
