Lidhja e modeles Gigi Hadid me aktorin Tyler Cameron u kthye në kryefjalën e mediave këtë verë, mirëpo romanca e tyre zgjati vetëm dy muaj.
Tyler ishte personi i parë me të cilin Gigi nisi të dilte që prej periudhës kur i dha fund me Zayn.
Ata u fotografuan shpesh bashkë dhe aktori u pa disa herë të dilte nga shtëpia e modeles pasi kishin kaluar natën së bashku.
Mirëpo, ndarja erdhi menjëherë pas deklaratës së Tyler se “mund të ishte single”, pasi u pyet gjatë një interviste nëse ishte i disponueshëm për femrat.
Kështu, ai e la të paqartë situatën e tij me Hadid, madje më herët e ka quajtur atë ‘mikeshë’, pa dashur të japë më shumë detaje për lidhjen me Gigi-n.
Megjithëse ishin shumë të afërt me njëri-tjetrin, gjërat mes tyre morën fund dhe tani modelja i vuri kapakun lidhjes me veprimin e fundit.
Gigi nuk ka dëshiruar ta shohë më ish-in në rrjete sociale, ndaj i ka bërë unfollow.
Të njëjtën gjë e ka bërë më pas edhe Tylor.
Mesa duket, modelja nuk dëshiron të ketë më asnjë kontakt me aktorin dhe po ia bën të qartë se ai s’ka më shanse me të.
Nëpër intervista, Tylor u shpreh se ai dhe Gigi kishin mbetur miq të mirë, por duket se Gigi s’po mendon aspak kështu!
