Reperi gjerman Zuna ishte i pranishëm në ndarjen e çmimeve prestigjioze në Zvicër, kur Loredana rrëmbeu trofeun për muzikën më të mirë.
Në momentin që moderatorja tha emrin e Loredanës, ajo u ngrit në këmbë dhe përqafoi partnerin Zuna, i cili ndodhej pranë saj.
Zuna ishte i pranishëm për të mbështetur partneren me të cilën po shijon prej disa kohësh lidhjen e re të dashurisë dhe dita ditës po vërteton se është kthyer në mbështetjen e saj më të madhe.
Shumë shpejt, Loredana do të publikojë këngën e re të titulluar “Angst” (Frikë) dhe Zuna tregoi edhe njëherë se është fansi i saj numër 1.
Në llogarinë e saj në Instagram, Loredana ndau detaje të këngës së re, ndërsa vëmendjen na e mori komenti i Zunës.
“Shumë njerëz nuk do të jenë më në gjendje të flenë”- shkruan ai, duke lënë të kuptohet se projekti i reperes do të jetë nam dhe ai është i pari që e mbështet në ëndrrat e saj.
Lidhja e çiftit tashmë është bërë familjare pasi e gjithë familja e Loredanës e përkrah marrëdhënien e saj të re.
Disa ditë më parë, vëllai i Loredanës publikoi një foto me Zunën, duke “konfirmuar” edhe njëherë romancën e dyshes.
