Tre këngëtaret shqiptare po na bëjnë krenarë me sukseset e tyre, ndërsa po kryesojnë listat botërore me hitet e tyre. Rita Ora, Dua Lipa dhe Bebe Rexha janë tre artistet që së fundmi janë renditur në 20 vendet e para në iTunes në Britaninë e Madhe.
Ishte Bebe ajo që bëri një dedikim, për t’ia kushtuar babait suksesin e saj të radhës, pasi u shpreh se i ati ka emigruar në Shtetet e Bashkuara të Amerikës në fillim të viteve 80-të dhe ka bërë shumë për të.
Ajo i ka etiketuar të dyja këngëtaret shqiptare, të cilat nuk kanë marrëdhënie të mirë me njëra-tjetrën dhe ndoshta kjo është një tentativë nga ana e Rexhës, për t’i pajtur.
“Jam në vend të 13 në iTunes në Britani. Gjithashtu 3 vajza shqiptare janë pjesë. Kjo është e pabesueshme! E di që të gjithë prindërit tanë kanë punuar fort për të na siguruar një jetë më të mirë. Babai im erdhi në Amerikë në vitet ’80 dhe ka bërë kaq shumë për mua. Jam shumë krenare që jam shqiptare dhe kam arritur kaq larg. Jam akoma më shumë krenare për femrat që po korrin sukses bashkë me mua tani! Kjo i dedikohet babait tim”, shkroi Bebe Rexha në “Instagram”.
