Rihanna po përflitet së fundmi se është në pritje të fëmijës së saj të parë me miliarderin arab Hassan Jameel. Tashmë fotot me fustanin e saj të “Giambattista Valli” gjatë premierës së filmit “Valerian” i kanë shtuar edhe më shumë dyshimet, pasi është siguruar mjaft mirë që të mos i duket aspak barku.
Bukuroshja 29- vjeçare së fundmi është pjesë e kastit të aktoreve në filmin “Valerian and the City of a Thousand Planets”. Vajza nga Barbadosi kishte zgjedhur të vishte në premierën e filmit një fustan stil kukulle, ngjyrë rozë të ëmbël, me mëngë të fryrë dhe me bisht shumë gjatë të madh, i cili i jepte asaj pamjen e një princeshe të “Disney”-t.
Fustanin e shoqëroi me një palë sandale ngjyrë rozë që lidheshin deri në gjunjë të “Manolo Blahnik”.
Ajo ka shkëlqyer në premierën e filmit, duke “ua mbyllur gojën” të gjithë atyre që e kanë kritikuar për kilogramët e tepërt që mund të ketë marrë.
Prej disa kohësh, ajo është në një lidhje me sheikun Hassan Jameel, ku sipas burimeve të “Daily Mail”, Riri është shumë e dashuruar.
Kjo nuk është hera e parë që ikona e stilit zgjedh një fystan tyli rozë. PasI në 2015-n, Rihanna veshi gjithashtu një fustan nga “Giambattista Valli” në tapetin e kuq të “Grammys”.
Burimi: Daily Mail
