Gjatë emisionit të paradites “Fan Club Big Brother VIP Albania”, është intervistuar Sarah Berisha pas daljes së saj nga shtëpia më e famshme e momentit.
Ndër të tjera, Sarah ka folur edhe për marrëdhënien me partnerin e saj Dj PM. Ajo është shprehur se ka qenë pikërisht Pajtimi i cili ka ndryshuar komplet rrugëtimin e saj në garë dhe i ka zgjuar energjinë pozitive, duke e shijuar lojën më shumë.
Ajo ka thënë gjithashtu që mendon se është penalizuar pikërisht pas daljes së tij, sepse, edhe pse mundohej të ishte aktive e të përfshihej në debate, nuk mund të bëhej dot si personazhet e tjerë.
“Mendoj që publiku donte të më shikonte me PM”- është shprehur blogerja.
Ndërkohë, në fund të intervistës, Sarës iu bë një pyetje nga publiku se ku e kishte kaluar natën e parë pas daljes nga shtëpia.
“Ku e ke kaluar natën e parë pas daljës nga “Big Brother”? “
“Natën e parë e kam takuar PM-in në studio dhe jemi ndarë te parkimi. Më pas kam shkuar në shtëpi dhe kam qëndruar me familjen time e kam fjetur me motrën time në krevat.”
“Po natën e dytë?”
“Natën e dytë u mblodhem të gjithë në një darkë. Pyetja tjetër?”- ësjtë përgjigjur Sarah, duke krijuar dyshime se e ka kaluar natën me PM.
