Edhe reperi i njohur Stresi ka bërë postimin e tij dedikuar ditës së gënjështrave, por nuk munguan thumbimet.
Artisti ka publikuar në llogarinë e tij në “Instagram” një foto ku shfaqet i mbuluar me kapuç të bardhë. Në mbishkrimin e fotos ai ka shkruar fjalinë që na bëri të gjithëve të mendojmë se është një “diss”.
“S’është faji im pse nuk besoj Asnjë ditë jo veç për 1 prill”- ka thënë ai.
Megjithatë, edhe pse ende nuk e dimë nëse reperi i drejtohet ose jo një personi specifik, të gjithë ndjekësit kanë nxituar të komentojnë mendimet e tyre, ku kryesisht besojnë se ‘caption’-i i referohet Marinit.
Ky dyshim vjen si rrjedhojë e faktit se, i pyetur në një video ‘live’ për konfliktin e këngëtarit të “Shota” dhe Hellbanianz, Stresi u shpreh se edhe pse tha se ka respekt për të dyja palët, beson që grupi HB është një hap para Marinit.
“Kurrën e kurrës nuk duhet të humbin jetë për muzikë. Di të them vetëm kaq, mesa kam parë unë, Hellbanianz janë grup shumë real. Kanë dhënë dhe vazhdojnë të japin prova. E vetmja gjë që unë dua të them, meqë e kanë nisur kështu, ju shpreh respekt të dyja grupeve, por pres nga pala e Marinit që të veprojë sepse Hellbanianz janë plus. Janë para atyre. Me prova janë para Hellbanianz. Tani presim se çfarë do bëjnë, por mua nuk më intereson. Respekt për të dyja. Unë nuk ndërhyj më tek asnjë lloj grupi se kam bërë shumë gabime më përpara. Menaxherin e Marinit e kam shokë, kurse Hellbanianz i njoh më përpara.”- është shprehur ai.
