Kylie Jenner ka qënë viktimë e bullizmit që në moshën nëntë vjeçare. Mbretëresha e Make Up-it ka ndarë në “Snapchat” një mesazh shumë të ndjerë për të gjithë personat që po përjetojnë të njëjtat situata si ajo. Me një zë të qetë, teksa është në dhomën e gjumit, Kylie nis të rrëfejë se kjo është një ndihmë e vogël e saj, ku tregon se ata nuk janë vetëm.
“Gjysma juaj mendon se jam e çuditshme, ndërsa gjysma tjetër mendon se jam qesharake, por mua më kanë tallur që në moshën 9 vjeç. Mendoj se kam bërë një punë të mirë për ta përballuar këtë situatë. Por të tillë njerëz ka kudo! Kjo është një video e shkurtër në “Snapchat” për t’iu treguar se i vetmi mendim që vlen është ai që ju keni për veten. Duhet të dini se nuk jeni vetëm.”,- tregon Kylie në video në “Snapchat”.
Kylie e mbyll mesazhin për fansat e saj me fjalët “Shpërndani dashuri”. Video është ndarë në rrjetet sociale edhe nga motra e saj, Kendall Jenner, e cila tregon se është prekur shumë nga mesazhi.
Kylie ishte shumë e vogël, kur familja e saj vendosi të niste reality show-n “Keeping Up With The Kardashians” dhe iu desh të rritej në sytë e gjithë botës.
