Ditën e djeshme, reperi Capital T u solidarizua me situatën e jashtëzakonshme në Shqipëri për shkak të tërmetit të fuqishëm 6.4 ballë.
“Jemi shumë të prekur nga fatkeqësia që ka ndodhur në Shqipëri. U bëj apel të gjithë miqve të mi që kanë nevojë me një numër të caktum të limitum, jeni të mirëseardbur në Prishtinë me të gjitha shpenzimet të hequra, strehim dhe çdo gjë tjetër që ju duhet. Jemi me ju deri në momentin e fundit. Zoti ju ndihmoftë!”- u shpreh Kapo në një video të publikuar në llogarinë e tij në Instagram.
View this post on Instagram
Mirëpo, reperi nuk e ka lënë me kaq!
Vetëm pak më parë ai ka njoftuar se ka mbushur një kamion plot me ndihma, të cilat përfshijnë rroba e ushqime dhe është nisur drejt Shqipërisë.
Capital T do t’i vijë në ndihmë personave të prekur nga tërmeti, të cilët kanë nevojë më shumë se kurrë për këto bamirësi.
“RRUGES PER SHQIPERI ????”- shkruan reperi krahas fotove.
Gjithashtu, Kapo na ka prekur dhe na ka dhënë zemër me një poezi në InstaStory, e cila i dedikohet Shqipërisë e Kosovës, të cilat janë një e vetme.
“E gjithë Kosova
u çue n’kambë
Tuj çue ndihma
anë e mbanë
Nëpër Durrës
e në Thumanë
Se asht një
Shqipëria nanë.”
