Këngëtarja Albërije Hadërgjonaj, u rikthye në Tiranë jo vetëm për të publikuar këngën me ritme verore, por edhe me rrëfime të jetës së saj private. Konkretisht, këngëtarja e hitit “Leje Leje” foli për divorcin me ish-bashkëshortin e saj Mëntor Hadërgjonaj. E ftuar në studion e emisionit ‘Një kat më lart’, Albërija tregoi nëse Mëntori ishte mërzitur pas deklaratës së saj se ai e ka tradhëtuar gjithmonë.
“Jo, absolutisht. Ai ka një respekt të jashtëzakonshëm, sepse ne, pavarësisht se u bënë shumë vite dhe unë fola, kjo erdhi sepse unë kam munguar në Shqipëri gjatë këtyre viteve, nuk kam qenë. Edhe pas divorcit gjithmonë jam rezervuar, se kam qenë me një mentalitet në Tiranë. Por tani që jetoj në Amerikë, shoh shumë intervista të aktorëve ose njerëzve të realizuar që jetën e tyre e kthejnë në model frymëzimi. Dhe unë për këtë gjë jam shprehur, pa dashur. Edhe ai nuk i ka bërë me qëllim. Ai ka qenë fëmijë për vete. “ – tregoi këngëtarja.
Sipas Albërijes, marrëdhënia mes tyre nuk ka përse të ndryshojë.
“Unë kam folur, e takoj. Është njeri që e kupton jetën shumë mirë. Ai është njeri që ka vuajtur më shumë se gjithkush tjetër prej shumë vitesh”,- përfundoi këngëtarja Albërije Hadërgjonaj.
