Armina Mevlani është një ndër blogeret shqiptare më të suksesshme,e cila shërben si burim frymëzimi për shumë vajza.
Mirëpo përveç pasionit për modën, Armina në një rrëfim në blogun e saj na ka treguar se ka edhe një pasion tjetër. Është pikërisht dashuria e madhe që ajo ka për librin dhe kujdeset që gjithmonë ta ketë një të tillë me vete.
Armina ka rrëfyer sot se libri i ka ndryshuar jetën dhe e ka motivuar për të ecur përpara dhe madje ai është çelësi i suksesit të saj në jetë.
“Librat për mua janë jetë! Gjithmonë kam një libër në dorë, pavarësisht sa punë mund të kem… Më pëlqen të lexoj, sepse më çon në një botë tjetër, më jep hapësirë për të ëndërruar dhe imagjinuar. Jam një ëndërruese romantike e pashpresë falë tyre”, – ka shkruar Armina.
Në këtë rrëfim Armina ka treguar se libri i parë për të rritur që ajo ka lexuar është “Një tragjedi amerikane” nga Teodor Drajzer dhe që ja ka rekomanduar babai i saj.
