Aktori Olsi Bylyku i njohur ndryshe si “Kimikati” ka vendosur të shkëputet përfundimisht nga spektakli “Portokalli”. Përmes një statusi të gjatë në profilin e tij në “Instagram”, aktori tregon i përlotur kujton sesi “Portokalli” i hapi dyert e suksesit. Mirëpo ky nuk është fundi i karrierës së aktorit, pasi ai ka vendosur të jetë pjesë e një tjetër angazhimi artistik në sezonin e ri televiziv, detajet e së cilit nuk i bën ende të ditura.
“E ndjej detyrim të sqarohem për të gjithë ju që më keni shkruar, më keni telefonuar dhe pyetur pafund mbi largimin tim nga ‘Portokalli’, por mbi të gjitha për të gjithë publikun që më ka ndjekur dhe mbështetur në rrugëtimin tim deri më sot. PO, është e vërtetë që nuk do të jem më pjesë e emisionit qe më hapi dyert e ëndrrës time, për ta vazhduar në 1 tjetër angazhim artistik.” – tregoi aktori.
Pasi falënderoi të gjithë bashkëpunëtorët e tij, Olsi Bylyku rrëfen se është pozitiv për të ardhmen që e pret përpara..
“Falenderime pafund për publikun tim, frymëzimin dhe energjinë e pashtershme që buron në çdo duartroktitje. Po iki i përlotur për punën që investova dhe marrdhëniet njerëzore që arrita të krijoj, për të qeshur me të ardhmen që do projektoj pranë publikut shqiptar dhe marrdhëniet e reja që do ndërtoj…Zoti ju rujt”- përfundon aktori Olsi Bylyku, në postimin e tij në “Instagram”.
