Shakira ka qenë kryefjalë e lajmeve rozë për jetën e saj të dashurisë dhe komplikimet familjare që lidhen me fëmijët dhe familjen Pique. Artistja, së bashku me djemtë e saj, Milan dhe Sasha u larguan nga qendra e vëmendjes dhe skandaleve për të shijuar një pushim në Kosta Rika.
Vetëm pak ditë më parë fëmijët u kthyen në Miami me babain e tyre Gerard Piqué, i cili duhej të kthehej me nxitim në Spanjë për të marrë pjesë në dasmën e vëllait të tij Marc. Dhe megjithëse ish-futbollisti do të kishte dashur që të vegjlit të ishin me të, Shakira shtoi një klauzolë në marrëveshjen e tyre prindërore ku fëmijët e saj nuk mund të takohen me Clara Chia, partneren aktuale të Pique.
Kështu, Milan dhe Sasha shkuan me pushime me mamin e tyre.
Gazetarja Glenda Umaña ishte ajo që zbuloi se Shakira ishte në Kosta Rika. “Djema, zemra ime po rreh, ju nuk e dini se çfarë ndodhi. Ne jemi këtu në Kosta Rika në hotel, nuk do të them se cilin, dhe sapo pamë Shakirën me fëmijët e saj. Ajo është këtu në Kosta Rika Unë e ndoqa, por ajo iku”, ka thënë ajo në një video që ka postuar në Instagram teksa dukej shumë e emocionuar.
Gazetarja vazhdoi: “Kuptova që nesër ata do të niseshin për një destinacion tjetër. Ishte plani fillestar, por për shkak të motit, ata duhej të qëndronin aty. Fëmijët ishin veshur me fanellat e Lakers, hanin sushi për darkë, siç e duan ata, me aq sa kemi mundur të zbulojmë”
