Deklarata bombë e modeles Jessica Kadiu, e cila pranonte lidhjen me Robert Berishën, bëri bujë në mediat shqiptare pasi këngëtari e kishte mohuar kategorikisht romancën në verën e kaluar, kur u panë së bashku në Turqi.
Modelja tregonte se e dashuronte Robertin akoma dhe shpresonte që një ditë të mund të ktheheshin sërish bashkë, duke e falenderuar ndërkohë për të gjithë dashurinë që ai i kishte dhuruar.
Por pavarësisht se ajo ëndërronte rikthimin me të dhe janë kapur shpesh në shoqërinë e njëri-tjetrit, Roberti e mohoi të ketë diçka me bukuroshen duke u shprehur se “me vajza të reja s’bën të merret”.
“Ka mbetur vetëm një shoqëri shumë e mire mes nesh, kështuqë nuk e di se çfarë ka dashur ajo të thotë, mua më kanë nxjerrë shumë herë nëpër intervista ku mkanë provoku por ska pasur asgjë serioze. Ska asgjë mes nesh dhe shpresoj që asaj mos ti bëhet problem se është gocë e re dhe nuk e mendon ajo atë pune, por Robi Plaket Kur Don Vetë, por me goca të reja nuk bën.”- është shprehur Roberti.
Por, si i është përgjigjur Jessica kësaj deklarate?
Sipas “gazetashqiptare.al”, ajo ka publikuar në InstaStory disa foto ku shkruante se do të fliste shumë shpejt rreth kësaj teme, ndërkohë që sqaronte se nuk dëshironte t’i prishte askujt reputacionin. Për më tepër, Jessica kishte shkruar se kishte prova të mjaftueshme për të shkatërruar jetën e këtij personi dhe se ai mund ta mohojë sa të dojë këtë lidhje, por vetëm ajo e di se si qëndron e vërteta.
Mirëpo, këto foto janë fshirë nga InstaStory-t e saj dhe shpjegimi i vetëm që Jessica ka lënë është që “nuk i detyrohet askujt asnjë shpjegim”.
“Lëre fare, as nuk ma ndjen të shpjegoj nndonjë gjë. Kështu është të jesh peshore. Mendojmë se i detyrohemi të gjithëve një shpjegim, por në fakt jo!”- shkruan Jessica, e cila duket se e ka lënë me kaq.
