Në muajin tetor mësuam se këngëtarja e njohur, Shkurte Gashi ishte në pritje të fëmijës së saj të parë, por shtatzëninë e mbajti të fshehtë. Ndërkohë në muajin dhjetor ajo solli në jetë një djalë, që vendosi ta quante Mal.
Duke u përpjekur që ta mbajë të fshehtë jetën e saj private, Shkurtja nuk ka reaguar fare në lidhje me këto lajme. Gjatë shtatzënisë nuk e pamë kurrë me barkun e rrumbullakosur dhe as pas lindjes nuk ka postuar asgjë në rrjete sociale. Mirëpo së fundmi ajo ka thyer akullin dhe është shfaqur pas shumë kohësh në Instagram.
Ajo ka qenë e ftuar në festën e ditëlindjes së nipit të Shyhrete Behlulit. Ka qenë vetë Shkurtja që ka publikuar disa foto nga ditëlindja dhe në imazhet e postuara ajo duket në formë shumë të mirë. Edhe pse ka kaluar vetëm 1 muaj nga lindja, Shkurtja duket në formë ideale njësoj si më parë.
Kujtojmë se përveç shtatzënisë Shkurtja ka mbajtur të fshehtë edhe partnerin, me të cilin prej vitesh jeton një lidhje të bukur dashurie larg syrit të publikut. Më pas u zbulua se partneri i saj quhej Albert dhe pak javë pas lindjes u publikua fotografia e parë e tij dhe vogëlushit Mal.
