Para pak kohësh reperi Cozman i surprizoi të gjithë teksa konfirmoi lidhjen e tij të re me një brune seksi, me të cilën pozoi në rrjete sociale. Një vajzë e quajtur Fjolla, që është partnerja e reperit, postoi në foto me Cozman dhe ky i fundit e ripostoi në llogarinë e tij.
Pasi e bënë publike marrëdhënien, Cozman filloi të publikonte të tjera imazhe dhe video romantike duke treguar se ka rënë në dashuri kokë e këmbë me Fjollën.
Ndërkohë ditën e sotme reperi i njohur feston ditëlindjen dhe nuk kishte si të mungote një urim publik nga e dashura e tij.
“Gëzuar ditëlindjen zemër. Të dua”, ka shkruar Fjolla krahas fotos ku çifti duken më të dashuruar se kurrë, të cilën Cozman e ka ripostuar në InstaStory-n e tij.
Gjërat mes dyshes janë bërë shumë serioze dhe lidhja është konsoliduar plotësisht.
Cozman ka zbuluar më herët se ka shijuar pushimet në jug të Shqipërisë me partneren e tij dhe familjarë të tjerë. Ai ka postuar në Instagram disa foto dhe video nga pushimet, në të cilat shihet Fjolla dhe të afërmit e reperit. Siç duket ata janë njohur edhe me familjet e njëri-tjetrit dhe tashmë na mbetet të presim për një zyrtarizim të marrëdhënies edhe ligjërisht.
Ndërkohë deri më tani reperi nuk ka ndarë shumë detaje për këtë lidhje të re. E vetmja gjë që dinë fansat për partneren e tij është se ajo punon si grimiere dhe tani jemi të gjithë në pritje që Cozman të tregojë diçka më shumë për këtë histori dashurie.
