Taylor Swift feston sot 31-vjetorin e lindjes dhe nga kush e mori urimin më të bukur sipas jush? Sigurisht që nga mikesha e saj më e mirë, Gigi Hadid.
Modelja ka ndarë në Instagram një foto shumë të veçantë, në të cilën shfaqet e shtrirë përkrah Taylor. Dy mikeshat duken shumë të afërta me njëra-tjetën, ndërkohë që në foto shihen të veshura më thjesht se kurrë. Gigi i ka dedikuar mikes së saj pak fjalë, por që janë shumë domethënëse.
“Gëzuar 31-vjetorin T-ja ime! Do të doja të ishim bashkë për të festuar! Të dua shumë”, ka shkruar Gigi.
Ndërkohë fansat e dy vajzave të njohura kanë nisur të aludojnë se kanë gjetur emrin e vajzës së Gigi dhe Zayn, që ata po e mbajnë të fshehtë. Sipas tyre çifti i kanë vendosur vazjës emrin Dorothea, njësoj si një nga këngët e albumit të Taylor.
Nëse kjo gjë ju tingëllon paksa e pabesueshme, duhet ta dini diçka që Swift ka bërë më parë. Në albumin e saj të karantinës “Folklor” ajo zbuloi emrin e fëmijës së tretë të mikut të saj Ryan Reynolds dhe Blake Lively, Betty, para se ata ta ndanin me fansat. Swift krijoi tre personazhe në këngën e saj që i quajti si tre fëmijët e tyre: James, Inez dhe Betty.
Por, si arritën fansat në përfundimin se këtë herë Taylor ka zbuluar emrin e fëmijës së mikeshës së saj të ngushtë?
Disa javë më parë, Gigi ndau disa foto në Instagram nga shtatzënia e saj, mes të cilave edhe një me partnerin e saj, Zayn. Ajo shkruajti krah tyre: “Në gusht, duke pritur vajzën tonë”.
Sëift ka një këngë në “Folklor” me titull ‘August’ që renditet e tetë. Dhe “simotra e saj” në albumin e ri “Evermore” mban titullin ‘Dorothea’.
