Vetëm pak ditë më parë, deputetja Rudina Hajdari rezultoi pozitive me koronavirus.
Ajo u izolua në shtëpinë e saj nën kujdesin e duhur për ta mposhtur Covid-19, i cili fillimisht s’ka qenë i lehtë për të.
Deputetja ka treguar në një status në profilin e saj në Facebook si ka qenë eksperienca e saj me virusin, duke rrëfyer shqetësimet që ka pasur më herët.
E më në fund, Hajdari ka mposhtur Covid-19. Ajo ka ndarë lajmin e mirë me të gjithë ndjekësit e saj në rrjetet sociale, ku ndër të tjera u kërkon që të kujdesen për veten.
Ajo ka postuar një foto me mjekun Pëllumb Pipero, teksa shton se tashmë mund t’i kthehet aktivitetit të saj normal.
“Doktor Pipero me dha sot lajmin e mirë se e kam mposhtur Covid19. Testi me doli negativ dhe më në fund mbas një periudhe të gjatë izolimi, do t’i rikthehem aktivitetit normal. Kemi shumë për të bërë të gjithë së bashku për të fituar mbi sëmundjen 30 vjeçare që ka kapur vendin. Kujdesuni ju lutem për shëndetin dhe familjen sepse ky nuk është një virus i lehtë,”- shkruan Hajdari.
