Një histori e dhimbshme u soll mbrëmjen e sotme në programin “Dua të të bëj të lumtur”, me fund të hidhur.
Silvana kishte 7 vite që nuk fliste më me mamanë dhe vëllain e saj për shkak të lidhjes së re që kishte krijuar. Ajo tregoi se nëna e kishte fejuar që 10 vjeçe, ishte martuar në Greqi por kishte rënë në dashuri me dikë tjetër, me të cilin kishte sjellë në jetë një vajzë.
Silvana kishte ftuar në studio, mamanë e saj, Fatmirën për t’i kërkuar një mundësi që të ribashkohen përsëri, por e ëma tregoi në një version tjetër të ngjarjeve duke përgënjeshtruar ato që kishte rrëfyer Silvana:
“Është fejuar me dëshirën e saj, madje shpeshherë më thoshte është jeta ime e di unë se çfarë bëj, mos ndërhyni!”.
Nënë e bijë kishin mosmarrëveshje edhe për pronësinë e shtëpisë. Silvana pretendonte se shtëpia ku banonte mamaja dhe vëllai i saj, ishte ndërtuar nga paratë që ajo ju kishte dërguar.
Për këtë arsye Silvana kërkonte një pjesë të shtëpisë, por Fatmira nga ana tjetër e mohoi këtë kërkesë të saj. Ajo shtoi se shtëpia ku banonte ishte ndërtuar nga kontributi i saj dhe babait të Silvanës.
Në fund Fatmira refuzoi të takonte të bijën dhe u largua pa i dhuruar një përqafim vajzës së saj.
/TCH
