Pak kohë më parë, “iconstyle.al” zbuloi ekskluzivisht se Enca po shijonte një lidhje të re dashurie me një djalë jo me origjinë shqiptare.
Ishim sërish ne që publikuam foton e çiftit duke shijuar së bashku jugun e Shqipërisë.
View this post on Instagram
Së fundmi ka qenë vetë këngëtarja e cila ka ndarë në Instagram një mesazh romantik që partneri i saj i ka lënë në një letër. “Faleminderit që je e imja,”-shkruhet në letër.
Një gjest shumë domethënës që sigurisht edhe Encën duket se e ka bërë të ndihet shumë mirë nga reagimi i saj.
Enca Haxhia gjithmonë ka qenë diskrete sa i përket jetës së saj private dhe asnjëherë nuk ka folur për jetën e saj dashurore. Mirëpo me këtë veprim të fundit, ajo duket se nuk e ka ndërmend ta fsheh se është shumë e lumtur me marrëdhënien e saj, thjesht po i qëndron larg vëmendjes së tepruar.
Përsa i përket karrierës së saj muzikore, prej kohësh ajo ka marrë një pauzë duke shijuar pushimet e njëpasnjëshme në vende ekzotike apo edhe në ishujt grek.
Kënga e saj e fundit e titulluar “Rakia” daton një vit më parë. Enca shpesh është përfolur edhe për blerjen e klikimeve, mirëpo në një intervistë së fundmi CEO i “Acromax”, Aldor Nini e hodhi poshtë këtë duke u shprehur se pavarësisht asaj që thuhet në publik, por Enca i ka klikimet reale.
