Surprizat me parashuta nuk kanë munguar gjatë këtij edicioni të ‘BB VIP’ për disa nga banorët brenda shtëpisë. Aktorja e njohur Arjola Demiri është surprizuar këtë radhë pasi pa në qiell një parashutë me banderolë që mbante foton e saj.
Ajo është lumturuar shumë nga ky gjest i ëmbël dhe mjaft inkurajues për të që të vazhdoje lojën dhe të mos humbasë shpresat për tu bërë finaliste e këtij edicioni të Big Brother Vip.
View this post on Instagram
Rikujtojmë që aktorja është në televotim së bashku me banorët e tjerë për tu përzgjedhur si finalistët e mbetur. Deri më tani pretendentët kryesorë për çmimin e madh janë Iliri dhe Beniada e cila u përzgjodh mbrëmë në një televotim me Monikën si finalistja e dytë e ‘BB Vip.’
Arjola Demiri është komentuar shumë për lojën e saj brenda shtëpisë, ku së fundmi është diskutuar edhe puthja që i dha Ilirit. Nga ana tjetër, bashkëshortja e tij duket se e mbështet shumë Ilirin pasi në një lidhje në Skype për “Wake Up” ditën e djeshme është shprehur se puthja e Ilirit me Arjolën nuk e shqetëson pasi ishte një puthje që e kërkonte loja. Ndërkohë, Ilirin e pret një surprizë nga e bija e cila është shprehur se do t’i dedikojë një këngë rrugëtimit të tij në shtëpinë më të famshme në Shqipëri dhe përjetimeve të tyre.
