Aktorja e njohur, Cameron Diaz në një intervistë me këngëtaren Michelle Visage në “podcast”-in e saj në të ri të “BBC Rule Breakers”, tregoi se sa shumë ka ndryshuar jeta e saj që kur u largua nga industria e filmave.
Aktorja 49-vjeçare rrëfeu se dikur ishte bllokuar në një botë ku bukuria ishte fokusi kryesor i një personi.
“Unë jam absolutisht viktimë e të gjithë objektivizimit dhe shfrytëzimeve shoqërore”, u shpreh Cameron.
Ajo gjithashtu tha se ka rënë edhe vetë ‘pre’ e këtyre standardeve që shoqëria vendos për gratë.
“Është e vështirë të mos e bësh, është e vështirë të mos shikosh veten dhe të gjykosh veten…”, tha Diaz
Aktorja gjithashtu shtoi se të ulesh para pasqyrës për orë të tëra në ditë si aktore përfundimisht u bë “toksike”.
“Thjesht filloni të gjeni çdo gjë gabim tek vetja”, tha ajo. “Dhe pastaj mendon: ‘Pse jam ulur këtu duke u treguar kaq i keq me veten time?’. Trupi im është i fortë, trupi im është i aftë. Pse do të flas keq për të? Pse duhet të jem e keqe me të kur më çoi deri këtu?“
Diaz tha se këto ditë gjëja e fundit për të cilën mendon është se si duket
Përveç kësaj, në bisedën e saj me Visage, kandidatja për “Golden Globe” zbuloi gjithashtu se ajo nuk ka bërë shumë përpjekje në regjimin e saj të bukurisë, pavarësisht se zotëron “një miliardë produkte” në raftet e saj.
Cameron e quajti “Hollywood-in” një kurth prej së cilës shpëtoi pas martesës me Benji Madden në vitin 2015.
