“Jepi një femre këpucët e duhura dhe ajo do të pushtojë botën”. Kur e ikona e modës, Marilyn Monroe, e tha këtë shprehje në vitet ’50-’60 nuk e mendonte se do t’i mbijetonte brezave të tërë.
Sot në shekullin e 21-të gjithnjë e më shumë femrat janë të mendimit që nëse zgjedh këpucët e duhura për në punë apo në daljet me shoqërinë, do të marrësh atë që meriton.
Një femër nuk mund të ketë kurrë shumë këpucë, pavarësisht se është një studente apo një grua në të 50-tat.
Mania për të patur sa më shumë palë pushton veçanërisht të famshmet, të cilat duket se kanë ngjyra dhe modele të veçanta për çdo veshje. Disa nga femrat e njohura për publikun shqiptar në veçanti kanë shpalosur gërdërobën e tyre të këpucëve, që mund të shkojë në mijëra euro. “Iconstyle.al” ju fton të hyni në gardërobën e tyre të këpucëve:
JONIDA MALIQI
Këngëtarja shqiptare vendosi që t’i fokusohej botës së modës duke u kthyer në një influencuese. Falë biznesit të saj, Jonida Maliqi ka treguar se nuk mund ta shohësh ndonjëherë dy ditë rresht me të njëjtën veshje.
Ashtu si shumë nga të famshmet e huaja dhe shqiptare as ajo nuk i shpëtoi tundimit për një palë këpucë të markës “Dior”, të cilat kushtojnë 890 dollarë:
Atletet “Louis Vuitton” i kanë kushtuar Jonidës 790 euro:
Ndërsa çizmet e famshme “Saint Laurent” u kthyen në një “must” për emrat e njohur që ndiqnin modën. Pavarësisht se kushtonin 1.481 dollarë këngëtarja shqiptare i përvetësoi.
ARMINA MEVLANI
Blogerja shqiptare ka treguar se ka një stil të sajin shumë të veçantë, por shpesh edhe është të guximshëm. Mund të kalojë nga ajo femra koketë në djallushkën e veshur seksi.
Kur flitet për veshjet, Armina ka gjithmonë trendet e fundit të markave dhe për këtë e ndihmon edhe biznesi i saj, ose mundësia për të ndjekur javët e modës në vende të ndryshme të botës.
Nëse një markë prodhon vetëm 80 palë këpucë të një modeli, blogerja shqiptare do të jetë mes atyre që i blejnë. I tillë është rasti me çizmet “limited edition” të markës së njohur “Vetements”, taka e të cilave ka një reflektor të kuq. Nga 1.125 euro, tashmë mund t’i gjeni vetëm 450 euro, por Armina nuk priti uljen pasi i përvetësoi sapo dolën në treg.
Çizmet e saj çiklaminë janë një tjetër fiksim i joni nga gardëroba e 27-vjeçares. “Balenciaga” u bë marka e vitit me çizmet me material kadife, të cilat duhet të paguaje 995 dollarë për t’i patur.
Mania më e madhe e Arminës ka qenë përfundimisht me çizmet dhe pjesë e gardërobës së saj u bën këtë vit edhe ato të markës “OFF WHITE”.
LORI HOXHA
Nëse del një trend, nuk mund të quhet i tillë derisa ta veshë Lori Hoxha. Fashionistja shqiptare e kthyer në një burim frymëzimi për shumë të reja, duket se vendos standardet e modës në rrjetet sociale.
Gardëroba e saj? Nuk ka fund, as për numër e as për çmime, por mund të themi që më shumë është e dashuruar pas sandaleve.
“Gucci”-t ishin ndër të preferuarat për Lorit, pasi i pamë në disa veshje të saj. Sandalet e zeza të mbuluara me gurë janë një shpenzim me mend edhe pse kushtojnë 1.046 euro.
Sandalet e kuqe të markës “Gianvito Rossi” duken kaq të thjeshta, por shikoni pak çmimin: 722 dollarë, para se të shkonin 578 dollarë me ulje.
Dhe dashuria jonë më e madhe: këpucët Yves Saint Laurent që kanë të dizajnuar në takë logon e markës së famshme.
ELVANA GJATA
Postimet e saj nga jeta private nuk janë shumë të shpeshta, ndaj kur publikon Elvana Gjata në rrjetet sociale nisim i bëjmë një vëzhgim nga koka te këmbët, se çfarë ka veshur. Këngëtarja shqiptare ka një stil të veçantë dhe shumë ndryshe nga femrat e tjera të ekranit, jo vetëm falë blerjeve, por edhe dizajnuesit Vladrin Sahiti.
Gjithsesi këpucët e Elvanës janë aksesorët që na mbeten të gjithëve në mendje. Kush mund t’i harrojë çizme lejla mbi gju të markës “Balenciaga”?! As çmimin e tyre 1130 euro nuk mund ta harronim.
Po ashtu një veshje që na ka mbetur fiksim ishte ajo e Pashkëve të vitit të kaluar, kur këngëtarja kishte zgjedhur që të kombinonte veshjen e saj me ngjyra me këpucët “Gucci”, 1790 dollarë.
*Kujdes! Ndalohet riprodhimi i këtij materiali pa lejen e redaksisë së Iconstyle.al
