Mozzik ka habitur me një postim në Instagram të bërë në orët e vona të mbrëmjes së djeshme.
Reperi shqiptar është treguar mjaft i ndjeshëm dhe ka shprehur emocionet e tij përmes disa fjalëve ku kujton sakrificat dhe momentet e hidhura. Ai shkruan se do të kujtojë fjalët e nënës kur e bëri të qante dhe lotët e saj, për t’ia kthyer buzqeshjen që meriton.
Më pas Mozzik jep një mesazh për dikë në veçanti kur thotë: “Më duaj ose më urrej, që të dyja janë ndjenja”. Nuk e dimë nëse këto janë vargje të ndonjë kënge të re apo një moment real i ndjerë nga reperi.
“Do të qëndroj pa lëvizur karakterin vetëm duke forcuar atë, do i qëndroj besnik sakrificave të mija falë atyre që jam këtu… Do i rikujtojë të gjitha momentet e hidhura , në momentet më të mira që ta di që ato po nuk i mbajte mirë do ikin e nuk kthehen më.
Do eci kryelartë pa ndalur epshin për sukses. Do kujtoj fytyrën e nanës kur e bëra të qante e si lotëve të saj i shpalla luftë që t’ia kthej buzëqeshjen ngaqë meriton…Më duaj ose më urrej që të dyja janë ndjenja”, ka shkruar Mozzik.
I ftuar të shtunën në emisionin “Shiko kush luan” ai foli për herë të parë për Loredanën pas ndarjes.
Kur u pyet se sa është numri i lidhjeve serioze që ka pasur, ai ka treguar se ka pasur vetëm një.
“Kam pasur vetëm një dhe ajo është nëna e vajzës time, Loredana”, është shprehur reperi duke na treguar se ka dashur vetëm Loredanën.
