Rita Ora duket se ka miqësi të vërtetë me këngëtaren Bebe Rexha pasi të dyja e ndihmojnë njëra-tjetrën sa herë që kanë nevojë.
Përmes llogarisë personale në Instagram Rita e ka falënderuar Beben, pasi kjo e fundit kishte të veshur një bluzë të krijuar nga Ora.
“Të dua shumë vajza ime! Faleminderit që po vesh bluzën time të re! Del nesër” ka shkruar mbi këtë foto Rita.
Rita Ora është e angazhuar në industrinë e modës së fundi si dizejnuese. Ajo po sjell koleksionin e ri të veshjeve të titulluara “Roara Republic”, që pritet të dalë në treg sot.
Stili i veshjes së shqiptares kryesisht është sportiv, me shkrimet e emrit të koleksionit në to.
Nuancat e përdorura janë ngjyrat e ylberit të dashurisë, si simboli i LGBT, por edhe nuancat neutrale.
“Jam përkushtuar shumë në krijimin e koleksionit”, ka shkruar në llogarinë personale në Instagram, 27-vjeçarja.
