Xhisiela Maloku dha një intervistë në studion e emisionit “Opinion”, ku konfirmoi se ka dhënë dëshmi të rreme dhe se askush nuk e ka kërcënuar për të deklaruar këtë fakt. Ajo thotë se nga ai ka marrë vetëm një shuplakë dhe se me cigare është djegur vetë. Sipas 25-vjeçares, deklarata në polici është bërë në kushte të renduara psikologjike sepse ishte xheloze për djalin e deputetit socialist.
Xhisiela qëndroi edhe disa minuta përballë gazetarëve në studion e emisionit “Opinion”, të cilët i kërkuan të rrëfehet nëse e kanë kërcënuar. Ndërkohë që gazetari Mentor Kikia e pyeti me “çfarë kishte ardhur në studio”.
“Kam ardhur me taksi” – tha Maloku.
“Dëshmitë e mia thonë se nuk ke ardhur me taksi” – tha Kikia.
“Në ‘Top Channel’, gazetarja Anila Hoxha ka thënë se keni shkuar me makinë shoqëruese, jo me taksi.” – iu përgjigj Blendi Fevziu.
“Si! Çfarë problem është kjo?” – u shpreh Maloku.
“Jo, problem është se keni thënë se keni ardhur me taksi, jo se ka ndonjë problem” – tha Blendi Fevziu,
“Është! Sepse unë nuk dua të bëj publike jetën e njerëzve rreth meje.” – përfundoi Maloku, disa minuta përpara se të braktiste studion e emisionit.
