Askush nuk është perfekt dhe nuk ka asgjë të keqe, që të mbulosh defektet! Këngëtarja me origjinë shqiptare, Bebe Rexha, njihet për një trup të bëshëm dhe me forma. Ajo ka pranuar gjithmonë kilogramët e tepërt dhe pavarësisht komenteve negative, që mund të ketë e dashuron veten ashtu siç është.
Por ndoshta është munduar që t’i fshehë disa prej kilogramëve me “Photoshop”.
Një foto e pa edituar e këngëtares e tregon atë më të shëndetshme sesa në postimin e publikuar prej Bebe Rexhës në rrjetet sociale.
Këngëtarja me famë botërore ishte pjesë e festivalit “I Heart Radio” dhe zgjodhi të performonte në skenën e tij me një veshje me dy pjesë, ngjyrë të artë. Në pjesën e belit Bebe kishte zgjedhur një rrip që shkruante “Love”, ndërsa pantallonat dhe busti ishin të ndarë.
Ndryshimi mes dy fotove dallohet pikërisht te pjesë e belit! Në atë të publikuar te profili i Bebe Rexhës, fotoja e edituar fsheh defektin dhe ajo shfaqet me një barkë të sheshtë.
Ndërsa te fotoja e publikuar nga një fanse e këngëtares shqiptare, ku nuk është përdorur “Photoshop”, arrijmë të dallojmë celulitin e tepërt.
Gjithsesi kjo nuk ndikon te vlerësimi që ne kemi për të si këngëtare.
Burimi: Iconstyle.al
