Jemi mësuar ta shohim si politikane të ulur në radhët e Kuvendit, por takimin e parë me kamerën Majlinda Bregu e pati si spikere.
Ish-deputetja e PD-së bëhet nostalgjike dhe kthehet pas në kohë, para 23 vitesh. Ishte vetëm 21 vjeçe dhe ndiqte studimet për Shkenca Shoqërore në Universitetin e Tiranës, ndërkohë që punonte si spikere lajmesh në TVSH.
Me një pamje që i përshtatej stilit të vitit 1995, Bregu mbante veshur një kostum ngjyrë qumështi, buzët i kishte lyer të kuqe, flokët e kapura me balluke dhe aksesorët floriri, që tërheqin vëmendjen në të gjithë paraqitjen e saj.
“Çfarë kthimi në kohë! 1995 ose 21 vjeçe. Part-time në TVSH, full-time studente. Mirë që kishte Eleni Toroveci një buzëkuq ekrani për të gjitha”, shkruan politikania.
Burimi: Instagram
